Сеул и Вашингтон без договор за финансии за американската војска
Јужна Кореја и САД денеска не постигнаа договор околу придонесот на Сеул за ангажирање на 28.500 американски војници, а постоечкиот договор истекува на 31 декември.
Јужнокорејските пратеници тврдат дека Вашингтон бара до пет милијарди долари годишно, што е петпати повеќе од сумата која Сеул се согласи да ја плати оваа година.
Меѓутоа, американскиот преговарач Џејмс Дехарт изјави дека пет милијарди долари не е сума на која САД се фокусираат во преговорите.
– Цифрата која ќе ја договориме ќе биде поинаква од првичниот предлог и од она што сега го слушаме од корејска страна, истакна Дехарт.
Американскиот претседател Доналд Трамп повеќе пати ја обвинувал Јужна Кореја дека е богата држава која профитира од американската војска, што е стационирана во таа земја по Корејската војна, кон средината на минатиот век.
Следната рунда разговори ќе биде во САД идниот месец.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња