Сестрата на Пеп Гвардиола меѓу првите отпуштени поради членот 155
Франсеска Гвардиола, сестра на тренерот на фудбалскиот клуб Манчестер Сити, Пеп Гвардиола, се наоѓа на списокот на каталонските „амбасадори“, кои поради примената на членот 155 од шпанскиот Устав за воспоставување директна контрола врз Каталонија од страна на властите во Мадрид, им е наложено враќање во земјата.
Британскиот весник „Сан“ пишува дека сестрата на Гвардиола, кој е познат по силната поддршка за каталонската независност, пред само осум месеци беше назначена на функција во рамки на шпанската амбасада во данскиот главен град Копенхаген, каде како „амбасадорка“ на Каталонија го покривала подрачјето на нордиските земји.
Сега Франсеска се најде на долгата листа на лица кои се враќаат во Шпанија поради затворање на каталонските „амбасади“.
Таа на Твитер својата функција ја претстави како „делегат на каталонската влада во Данска, Финска, Исланд, Норвешка и Шведска“.
Каталонскиот парламент вчера изгласа независност, по што шпанскиот Сенат и одобри на Владата на премиерот Маријано Рахој да воспостави директна контрола на Мадрид врз Каталонија согласно членот 155 од Уставот на Шпанија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари