Сенегал во хаотично финале до своја втора африканска титула

Фудбалерите на Сенегал го освоија 35. издание на Африканскиот куп на нации откако го победија домаќинот Мароко со 1-0 по продолжение во Рабат.

Финалето на Африканското првенство во неделата вечер понуди вистинска драма и хаос, а во еден момент се чинеше дека натпреварот за титулата нема да се доигра.

Речиси е неверојатно што се случуваше во судиското продолжение во второто полувреме. Најпрво, на Сенегал му беше поништен гол, а неколку минути подоцна, беше досуден пенал за Мароко. Сенегалците, незадоволни од одлуките на судијата, го повлекоа својот тим и паузата траеше речиси 20 минути. На крајот, Сане ги убеди своите соиграчи да се вратат на теренот и финалето продолжи.

Брахим Дијаз во 24-та минута од судиското продолжение изведе пенал, се обиде да постигне гол со „паненка“, но Едуар Менди го одбрани ударот. Натпреварот отиде во продолжение, а решавачкиот гол го постигна Папе Геје во 94-тата минута.

Со победата против Мароко, Сенегал ја освои титулата африкански шампион по втор пат, по премиерниот триумф во 2021 година.

Египет е рекордер со седум титули.

МИА