Селекторот на Мексико заработи отказ два дена по освојувањето на Голд купот

Селекторот на Мексико Мигел Херера доби отказ, само два дена откако со националниот тим го освои трофејот во Голд Куп, првенството на Северна и Централна Америка и Карибите.

На неочекуван прекин на соработката Мексиканскиот фудбалски сојуз се одлучил поради инцидентот на аеродромот во Филаделфија, каде Херера го удри коментатор на „ТВ Ацтека“ Кристијан Мартиноли незадоволен од критиките упатени кон него за време на одржување на Голд Купот.

Мартиноли во понеделникот изјави дека темпераментен 47-годишен селектор го удрил во пределот на вратот и го повикувал на физичка пресметка надвор од аеродромот.

Херера го предводеше Мексико од 2013 година.