-->
-->
СЕХА: Вардар 1961 со победа ја почна нокаут фазата
-->
Ракометарите на Вардар 1961 се на чекор до пласман меѓу осумте најдобри во регионалната СЕХА лига, откако вчера ја совладаа Металопластика со 39:31 (19:14) во првата од двете осминафинални пресметки закажани во Скопје.
Освојувачот на двојната круна сезонава во македонското првенство лошо го отвори натпреварот дозволувајќи и на екипата од Шабац да поведе со четири голови разлика (8:4) во воведните десет минути. Сепак, петкратниот освојувач на СЕХА лигата брзо ги консолидира редовите и Вардар веќе на полувреме замина со високи плус пет (19:14).
Вториот дел донесе сигурна игра на македонскиот првак, кој влегува со осум голови предност пред утрешниот реванш, исто така, на домашен терен.
Ловро Јотиќ со девет и Тимур Дибиров со седум погодоци беа најефикасни во македонскиот тим.
Победникот од двомечот меѓу Вардар 1961 и Металопластика за противник во четвртфиналето од годинашното издание на СЕХА лигата ќе го има хрватскиот првак ППД Загреб.
-->
-->
-->
Ново на Сител
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки
-
АСО: Неоправдано и без основа зголемувањето на цените на осигурувањето од задолжителна автомобилска одговорност
-
Почина таткото на Тоше, Никола Проески