Седум пациенти со морбили на Инфективното одделение во Клиничката болница во Штип
Седум лица со морбили се лекуваат во Инфективното одделение во Клиничката болница во Штип.
Директорот на Клиничка болница-Штип, Ален Ѓеорѓијев денеска рече дека еден пациент е хоспитализиран изутрината, а останатите шест пациенти во текот на минатата недела. Станува збор за шестчлено семејство, кое е заразено од морбили од Општина Карбинци и сите се на болничко лекување на Инфективното одделение.
-Знаете дека е прогласена епидемија на морбили од страна на Министерството за здравство. Шестчленото семејство е од Карбинци, а од утринава е примен нов пациент, кој не е во роднински врски со ова семејство и станува збор за нов случај. Состојбата на пациентите е стабилна, вели Ѓеорѓијев.
Тој додаде дека изминатиот месец имале тројца пациенти со морбили кои се лекувале болнички и еден се лекувал амбулантски. Од нив едно било дете, а останатите полнолетни пациенти. Вкупно 11 пациенти заразени со морбили се лекувале во Клиничка болница во Штип.
Ново на Сител
-
Детската болница Козле остана без вода
-
Недостигот на вода во делови од Скопје главна тема на седницата на советот
-
Одложено рочиштето за Штекли, бил неконтактибилен и дезориентиран
-
Осомничената очна докторка од Битола барала 100 евра за да направи операција на перде на пациентка од Ресен
-
Мицкоски: Нема потреба од лидерска средба
-
Мицкоски: Најголема инвестициска офанзива во општините, се гради низ цела држава
-
Мицкоски задоволен од постигнатиот консензус меѓу Македонија и Бугарија за пругата од Коридорот 8
-
Активни се 4 шумски пожари низ земјава