Седници пет собраниски комисии
Во Собранието на Република Македонија денеска седници треба да одржат Комисијата за здравство, Комисијата за надворешна политика, Комисија за политички систем и односи меѓу заедниците, Комисијата за култура и Законодавно-правната комисија.
Комисија за здравство треба да расправа за измените и дополнувањата на Законот за санитарната и здравствената инспекција, на Законот за заштита на населението од заразни болести и за Предлог - законот за Центар за извонредност за трансплантациона медицина и хируршки болести, сите во второ читање.
Меѓу точките на дневниот ред се и измените и дополнувањата на Законот за земање и пресадување на делови на човечкото тело заради лекување, на Законот за заштита од јонизирачко зрачење и радијациона сигурност, на Законот за јавно здравје, на Законот за здравственото осигурување и на Законот за биомедицинско потпомогнато оплодување, исто така во второ читање.
Неколку предлог-закони за ратификации на спогодби меѓу Македонија и други држави се на дневен ред на Комисија за надворешна политика.
Измените и дополнувањата на Законот за обезбедување на побарувањата, на Законот за матичната евиденција, како и предлог-законите за извршување и за нотаријат се точки за кои денеска ќе расправа Комисија за политички систем и односи меѓу заедниците.
Пред членовите на Комисија за култура ќе биде Предлог-програмата за одбележување на јубилејни годишнини на значајни настани и истакнати личности во Република Македонија за 2016 година, а Законодавно-правната комисија ќе се произнесе за законитоста на предлог законите што ќе бидат на дневен ред на претходно споменатите комисии.
Ново на Сител
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток