Седници на четири собраниски комисиии

Во Собранието на Република Македонија денеска седници ќе одржат комисиите за финансирање и буџет, за политички систем и односи меѓу заедниците, Законодавно-правната комисија и Комисијата за транспорт, врски и екологија.
На дневен ред на Комисијата за финансирање и буџет се Предлог - законот за изменување и дополнување на Законот за данокот на додадена вредност во прво читање и Предлог-среднорочната програма за формирање, чување, обновување и користење на стоковните резерви за период 2016-2020 година.
Комисијата за политички систем и односи меѓу заедниците треба да се изјасни за Предлог законот за престанување на важење на Законот за определување услов за ограничување за вршење јавна функција, пристап на документи и објавување на соработката со органите на државната безбедност во прво читање поднесен од: Илија Димовски, Талат Џафери, Рафис Аљити и Антонио Милошоски.
Пратениците на Законодавно-правната комисија ќе дебатираат за повеќе точки меѓу кои и за Предлог - измените и дополнувањата на законите за данокот на додадена вредност, за превоз во патниот сообраќај, за земање и пресадување делови од човечкото тело заради лекување, за Предлог - законот за национална база на податоци за лица со инвалидност, во прво читање, како и за утврдување пречистени текстови на законите за ветеринарно здравство и за безбедност на храна.
Единствена точка на дневен ред на Комисијата за транспорт врски и екологија е Предлог-законот за изменување и дополнување на Законот за постапување со бесправно изградени објекти, во второ читање.
Ново на Сител
-

Просечната нето-плата во септември 49.141 денар
-

Лагард: Европа реагира предоцна во кризите
-

По масовниот прилив на мигранти во Сеута за 650 отсто зголемени пријавите за сексуални напади
-

Кривична за тројца полициски службеници кои малтретирале малолетник во Охрид по обид за бегство со мопед
-

Синдикатите повикаа на генерален штрајк во Италија – Планирани се 100 демонстрации
-

Николоски: Целосна реконструкција на патот Валандово-Струмица, следната година активности за патот кон Дојран
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
