Седница на Влада по повод Ден на албанската азбука - јазикот обединува, не разделува

Заеднички пораки за соживот испрати македонскиот државен врв по повод 22 Ноември - Денот на албанската азбука.

Потсетувајки на Битолскиот конгрес од 1908 година кога е кодификувана албанската азбука премиерот Мицкоски порача дека Македонија е дом на различности кои не разделуваат, туку ја збогатуваат нашата заедничка национална приказна.

Вицепремиерот Фетаи пак, ја нагласи важноста на јазичната рамноправност и промовирањето на јазичната разновидност во државата.

Владата по втор пат, го одбележува Денот на албанската азбука со свечена седница.