Седница на ДИК за резултатите од вкрстената проверка на базите

Државната изборна комисија за вечерва во 18:30 часот закажа седница на која треба да биде разгледан и усвоен Извештајот со резултатите од вкрстената проверка на десет бази на податоци и да се утврди начин на постапување по неконзистетни записи во Избирачкиот список.  

На дневен ред на седницата, според најавата од ДИК, е разгледување и усвојување на Извештајот од проверките и статистичките анализи, вкрстените проверки на различни бази на податоци и евиденции заради ажурирање на Избирачкиот список врз основа на Правилникот за методологија за водење и ажурирање на Избирачкиот список и утврдување на начин на постапување по неконзистентни записи во Избирачкиот список утврдени со Извештајот од проверките.