Се зголемува притисокот врз балканската рута

Шефот на Бирото за борба против трговијата со луѓе при Криминалистичката служба на Австрија, Гералд Тацгерн предупреди на зголемениот притисок на миграцијата врз балканската рута.

Тој, во врска со неодамнешното спречување на илегален влез во Австрија од страна на поголем број мигранти, откако припадници на војската открија 40 мигранти во еден камион, истакна дека станува збор за кривично дело криумчарење на луѓе.

Тацгерн нагласи дека за овој период од годината е регистриран невообичаен број мигранти во однос на бројката од минатата година.

Околу 100.000 лица, меѓу кои повеќето мажи, се обидуваат преку балканската рута да пристигнат до западните земји, изјави Тацгерн.