Се уште нема извештај од стручната комисија за случајот со родилката која се обиде да се самоубие
Министерот за здравство Фатмир Меџити денеска изјави дека се уште нема извештај од стручната комисија за случајот со родилката која на почетокот на овој месец имаше обид за самоубиство на Универзитетската клиника за гинекологија и акушерство - Скопје (ГАК).
- Првите упатувања беа од Државниот санитарен и здравствен инспекторат (ДСЗИ), од инспекторите. Ние нормално постапивме по закон, по ред како што е. Има стручна комисија. Се уште немаме извештај од стручната комисија. Во моментот кога ќе имаме извештај, во ист момент ќе го споделиме со медиумите, рече министерот Меџити одговарајќи на новинарско прашање при посетата на Клиниката ендокринологија.
Државниот санитарен и здравствен инспекторат (ДСЗИ) преку соопштение информираше дека на Универзитетската клиника за гинекологија и акушерство - Скопје (ГАК) е констатиран пропуст во делот на реализирање на конзилијарните прегледи побарани во два наврати за родилката која пред неколку дена имаше обид за самоубиство. На Универзитетската клиника за психијатрија не се констатирани недостатоци по однос на организацијата на работа на функционирање на клиниката во услови на постапка за реновирање.
Заклучоците по извршените вонредни инспекциски надзори во ЈЗУ УК за гинекологија и акушерство и ЈЗУ УКМ за психијатрија беа објавени на веб-страницата на Државниот санитарен и здравствен инспекторат (ДСЗИ) на 6 јули 2023 година.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година