Се уште активен пожарот на Серта
На територија на Општина Штип од утрово на неколку позиции на планината Серта се пожарникарите, припадниците на Армијата и на полицијата, како и ловџии. Од копно се контролира и гасне пожарот кај гасоводот, во близина на селата Селце, Драгоево и Пиперово.
- Огнот е далеку од овие села и нема опасност во моментов, истакна денеска градоначалникот на Општина Штип, Иван Јорданов.
Според него, од земја огнената стихија се набљудува, се контролира и се спречува потенцијално ширење на пожарот, кон територијата на Општина Штип. Јорданов посочува дека веќе на терен се истрасирани и патишта, пресеци за да не се прошири огнот кон најблиските села на планината Серта во штипскиот регион.
-Морам да истакнам дека пожарот над селото Драгоево по синоќешното делување од воздух е ставен под контрола, исто овде се припадниците на ТППЕ и Центарот за управување со кризи, кои ќе се погрижат, за дополнително ставење под контрола и евентуално само ликвидирање на пожарот и со тоа во текот на денот будно ќе се следи пожарот на оваа локација, вели Јорданов.
Тој посочува дека веќе се направени разговори со Јавните претпријатија на Општина Штип и со приватни фирми кои со механизација ќе прават пресеци низ планината за да се спречи ширење на огнот кон селата.
Прашан дали имаат некаква првична проценка колкава е штета по шумите во штипскиот дел, Јорданов вели дека дополнително ќе се прават, бидејќи во моментов се уште е активен пожарот.
Ново на Сител
-
Свечена академија по повод Свети Кирил и Методиј
-
Сиљановска-Давкова ја посети базиликата „Санта Марија Маџоре“ во Рим
-
Прославен денот на сесловенските просветители во Прилеп
-
Бугарија засега не потврдува средба Сиљановска-Радев со високи претставници на ЕУ, НАТО и САД
-
Љупчо Димовски реизбран за претседател на СПМ
-
ВМРО-ДПМНЕ: ОЈО да ја преиспита улогата на Филипче
-
Семејствата на починатите од „Пулс“ да се вклучат во кривичниот прогон
-
ИЈЗ: Позитивните на мајмунски сипаници се во добра состојба - Отворени телефонски линии за информации за граѓаните