Се степаа српски пратеници: Колегата го нападна со компјутерско глувче

Пратеникот на Двери во српскиот Парламент, Бошко Обрадовиќ, го нападна заменик претседателот на СНС и претседател на Административниот одбор, Александар Мартиновиќ, со глувче од компјутер.

Мартиновиќ ја заклучи расправата во Административниот одбор, каде што претходно се расправаше за казните изречени на  пратениците.

Претходно, Мартиновиќ му го одзеде зборот на Обрадовиќ, на што лидерот на Двери жестоко реагираше, бидејќи, како што рече, имал уште три минути да зборува, по што го удри Мартиновиќ со глувчето од компјутер.

Додека Бошко Обрадовиќ на излезот го чекаше Мартиновиќ, тој продолжи да седи. По ова следеше и „вербално хушкање" меѓу Верољуб Арсиќ и Обрадовиќ, како и Владимир Ѓукановиќ.