Се степаа фудбалерите на Шкендија и Шкупи | ВИДЕО

Ситуацијата на мечот помеѓу Шкендија и Шкупи ескалираше во завршните минути од фудбалското дерби.

Откако претходно, фудбалерите на Шкупи беа нападнати пред стадионот, па потоа нивен фудбалер беше погоден со камен во глава, па еден од линиските судии беше удрен со предмет фрлен од трибините, за на крај да се случи и тепачка помеѓу фудбалерите на двете екипи.

Во завршницата од мечот на кој најмалку имаше фудбал, тензијата донесе жестока пресметка во која двајцата тренери и поранешни македонски репрезентативци Артим Шаќири (Шкендија) и Гоце Седлоски (Шкупи) едвај ги смирија своите фудбалери.