Се реконструира подрачното училиште во демиркаписко Прждево

Се реконструира подрачното училиште во демиркаписко Прждево, кое работи во рамките на Основното училиште „Димче Ангелов-Габерот” од Демир Капија.

-Реконструкцијата опфаќа изградба на два тоалета, санација на кровната конструкција, замена на постоечката столарија со нова, нови врати и прозорци, поставување нова подна конструкција и изградба на спуштени плафони, молеро-фарбарски работи, надворешно и внатрешно, за МИА појасни Менче Николова, директор на демиркапиското училиште.

Проектот е финансиран од страна на Министерството за образование и наука и се очекува реконструкцијата да заврши до крајот на месец април. Во подрачното  училиште се образуваат седум  ученици од прво до петто одделение. За време на реновирањето на училишната зграда, тие наставата ја следат во централното училиште.