Се реконструира игралиште кај салата „Партизан“, проект предложен од граѓаните

Општина Центар го реконструира спортското игралиште кај салата „Партизан“. Оваа идеја, како што информираат од општина Центар, добила најмногу гласови на порталот „Идеи за Центар“, каде граѓаните можат да предлагаат и гласаат проекти, а општината потоа ги реализира.

Со реконструкцијата се предвидува игралиште за мал фудбал, игралиште за кошарка и фитнес центар на отворено. Мини спортскиот центар, како што најавуваат од општината, ќе биде пуштен во употреба за десетина дена, а ова култно место повторно ќе стане атрактивно место за рекреација и дружба.