Се проверуваат условите за прием на пациентите од кочанската диксотека во штипската болница, за лекување во втора и трета фаза
Медицински лица и претставници од Министерството за здравство денеска ја посетија Клиничка болница-Штип, со цел да ги видат условите за примање на повредените пациенти од кочанската дискотека „Пулс“ за да се лекуваат во втората и трета фаза. Директорот на Клиничка болница-Штип, Владко Захариев на денешната прес-конференција изјави дека по отпуштање на пациентите од болниците во земјава и странство завршува првата фаза од нивното лекување, по што ќе треба да следи втора и трета фаза за нивното лекување, какошто се преврски и други медицински третмани.
-Значи сега тие пациенти се се уште во активна прва фаза, бидејќи на нив има се уште активни хируршки интервенции. По отпуштањето дома, ние како болница можеме да превземеме некои преврски кај некои полесни пациенти и бевме во оделот за Физикална терапија да се направи увид. Во подалечна иднина, во трета фаза тие пациенти би требало да добиваат физикален третман, изјави Захариев. Адаптирањето на просторот ќе биде пред се на болничките соби во Физикална терапија. Захариев вели дека планирано е сегашните трикреветни соби, да се адаптират во еднокреветни или двокреветни, со цел лекувањето да биде подобро. Дополнително ќе се одлучува кој пациенти имаат потреба од понатамошно лекување, дали ќе биде амбулантско или ќе бидат задржани во болница.
-Тоа е втора фаза, активен третман на преврски. Во зависност од големината на преврските и зафатеноста на телото од изгореници ќе се направи проценка со нашите лекари, со пластичните хирурзи и секако во консултација со лекарите од Скопје би одлучиле кои пациенти каде ќе лежат и како ќе се лекуваат, рече Захариев.
Специјалистите по пластична хирургија од Клиничка болница- Штип, ќе помагаат и во Општата болница во Кочани.
Захариев најави и дека Клиничка болница-Штип ќе распише и оглас за вработување на 19 специјализанти. Огласот ќе биде објавен утре или во понеделник.
-Специјалности има горе-долу речиси сите, имаме две анестезија, две гиникологија, три рендгенологија, две педијатрија и други специјалности. Оваа недела бевме во припрема на огласот и се надеваме дека со правна служба или утре или најдоцна понуделник да биде објавен вели Захариев.
Ново на Сител
-
Заврши доказната постапка во случајот за убиството на Вања и Панче, судењето продолжува на 2 јуни
-
Ликвидирале по нарачка, уапсени четири лица поврзани со убиствата на Орхан Бајрами Оки и Амар Исмани
-
Папата Лав Четиринаесетти повика да се дозволи влез на хуманитарна помош во Појасот Газа
-
Приведен измамник од Велес, на интернет продавал наводно благословени предмети
-
Во МЕПСО им се барало мито на инвеститори, Мицкоски очекува наскоро да бидат обелоденети ваквите тврдења
-
Фрлил шише со запалива течност на влезна врата од казино во Чаир, пробал да го запали
-
Двајца основци од училиште кај Бит Пазар нападнале соученик со остар предмет
-
19-годишен возач со „БМВ“ удрил 81-годишен пешак во Тетово