Се пробива трасата до Крупиште за експресниот пат Штип-Кочани
Во тек е првата фаза од изградбата на експресниот пат Штип-Кочани во должина од 23 километри, кој се очекува да биде завршен за две години. Се работи на пробивање на трасата од Штип до Крупиште со оглед дека тоа е целосно нов пат. Широчината на патот ќе изнесува 12 метри и ќе има по две ленти во двата правца.
Увид на градежните активности на оваа делница денеска направи лидерот на ВМРО-ДПМНЕ Никола Груевски кој од министерот за транспорт и врски Владо Мисајловски беше информиран дека инвестицијата за овој пат првично била проценета според проектираните на 50 милиони евра, но поради остварени заштеди во првата фаза од изградбата се проценува дека неговата вредност би можела да достигне до 40 милиони евра.
- Оваа делница беше дел од ветувањата во партиската програма потоа стана дел и од владината програма. Таа покажува дека не се гради само до Штип, туку и од Штип до Кочани, и од Штип кон Радовиш. Од Радовиш до Струмица веќе има убав пат кој го направивме во првите години од доаѓањето во Владата, а целосно се реконструира и патот од Кочани до Делчево кој треба да заврши годинава. Така што, источна Македонија добива сериозна инфраструктура, рече Груевски.
Според градоначалникот на Штип Илчо Захариев овој целосно нов пат ќе значи меѓу другото и привлекување нови инвестоции бидејќи минува во близина на новата индустриска ТИРЗ зона кај Три чешми.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април