Свет
3. May 2020 - 19:41

Се повеќе африкански земји набавуваат „Ковид органик“

Се повеќе африкански земји се заинтересирани за набавка на растителниот напиток „Ковид органик“ кој неодамна го промовираше претседателот на Мадагаскар, Ендру Раџоелина, тврдејќи дека е природен лек кој го лекува коронавирусот, иако не постојат докази за тоа.

Претседателот на Танзанија истакна дека ќе испрати авион на Мадагаскар за да достави од напитокот, а истото го најави и претседателот на ДР Конго. Некои земји, како на пример Гвинеја Бисао, веќе го набавиле, објави Би Би Си.

Станува збор за горчлив растителен пијалок, направен од артемисија (вид на пелин), горчлив корен кој се одгледува на Мадагаскар и се користи во некои лекови против маларија.

Лекот го произвел Институтот за применети истражувања, кој повеќе од 30 години ја истражува употребата на традиционални лекови на Мадагаскар.

Растителниот напиток не е научно тестиран и нема докази дека делува против Ковид-19.