Се ограничуваат цените на дел од овошјето и зеленчукот
Владата денеска треба да ги утврди највисоките цени на дел од овошјето и зеленчукот. Со одлуката ќе бидат опфатени домати, краставици, кромид, карфиол, пипер, грав, леќа, банани, портокали, мандарини и лимон.
Како што соопшти министерот за економија Крешник Бектеши, анализите на податоците за овие производи се завршени.
-Утре се определуваат највисоки цени за домати, крастивици, кромид, карфиол, пипер, грав, леќа, банани, портокали, мандарини и лимон. Ги повикувам граѓаните да дадат исто така придонес во делот на дополнување на листата на производи, како и на цените на кои тие сметаат дека треба да се замрзнат во делот на овошје и зеленчук или други производи. Се грижиме заедно, напиша министерот.
Според министерот Бектеши, замрзнувањето на цените е мерка која дава резултат и можно е да се пролонгира кај одредени производи и по утврдениот краен рок, доколку се процени дека за тоа има потреба. Исто така, најави дека не се исклучени и други вакви интервенции.
Министерот е дециден дека нема да дојде до нагло поскапување на производите кога ќе престанат да важат владините одлуки за замрзнување на цените.
Ново на Сител
-
Модриќ става крај на кариерата по СП 2026
-
Општина Дебар успешно ја реализираше првата фаза од дератизацијата и дезинсекцијата
-
Израел нареди евакуација на 20 градови и села во јужен Либан
-
Лишени од слобода две лица од скопско, при преглед во возилото во кое се превезувале биле пронајдени ловечки пушки
-
СВР-Струмица поднесе кривични пријави против три лица за „лихварство“, „изнуда“ и „тешка кражба на дрзок начин“
-
Истрага за сексуална злоупотреба на 12-годишно девојче во Битола
-
Ѓорѓиевски: Целосно ја реконструираме улицата „101“ во Волково
-
По повеќедневна потрага, пронајден починат дедо Јане од Јастребник
