Македонија
13. March 2016 - 12:47

Се одржа Струмичкиот карневал

Дождливото време не ги спречи карневалистите во Струмица да бидат дел од најголемата маскенбалска манифестација во Македонија.

Четириесет и една група вчера во 18.30 часот тргна на официјалното карневалско дефиле пред повеќе илјадната публика.

Според струмичани, годинава има богати маски кои се продолжување на вековната тримерска традиција. 

Девојчиња со кломпи не прошетаа до Холандија, а публиката ја виде и зимската бајка, демоните, боите на бојата, се запозна со струмичките лилјаци...

На дефилето од околу две илјади карневалисти, освен групи од Македонија присуствуваа и гости од Турција, Италија, Бугарија, Хрватска, Србија и Албанија.

Фестивалските денови продолжуваат денеска со детскиот маскенбал.