Се оддели ли Каталонија си оди и Меси

Најдобриот фудбалер на Барселона, Лионел Меси не сака да игра во каталонска лига. Така стои во новиот договор што неодамна го потпиша Аргентинецот со каталонскиот гигант со вредност до јуни 2021г. Со овој договор, Меси стана најскап играчи во историјата. Со самиот потпис, Барселна го награди до 50 милиони евра за верност, а плус годишно ќе му дава по 43 милиони евра плата, со што го направи најскап фудбалер во светот.

Покрај договорот, Меси поотпиша и клаузула во која стои дека доколку некој тим сака да го купи, ќе мора да плати неверојатни 700 милиони евра. Сепак, шпанските медиуми утрово открија дека Лео може да си замине и бесплатно од „Камп Ноу“, доколку се случи Каталонија да се оддели од Шпанија.

„Ел Мундо“ на својата насловна страница открива дека Меси може да си оди од Барселона и за џабе, иако откупната клаузула му е 700 милиони евра.