СЕ: Одбивањето на мигрантите е неприфатливо
Државите немаат право да ги одбиваат мигрантите и се должни да ги оценат барањата за азил, дури и на оние кои на нивна територија влегле нелегално, нагласи Советот на Европа.
СЕ нагласува дека кога ќе разгледуваат поединечни случаи, државите треба да земат предвид дали одредениот мигрант доколку биде вратен во својата татковина или во транзитната земја ќе биде изложен на опасност од смртна казна или малтретирање, нечовечко однесување и други нарушувања на основите права, вклучувајќи и физичко насилство.
Советот напомена дека не е дозволиво одлука да се донесува врз основа на полот, расата, бојата на кожата, јазикот, верата, политичките или другите ставови, потеклото.
Кога ќе бидат сместени во прифатни центри мигрантите имаат право на соодветна медицинска грижа и на снабдување со храна.
Задржувањето на мигрантите во затворени центри е крајната можност и претежно треба да се случува пред нивното депортирање, доколку е донесена одлука за тоа.
Задржаните мигранти имаат право да добијат информации за нивната состојба на јазикот, кој го разбираат, како и да им биде обезбедена правна помош. Во текот на целиот период на нивното задржување тие имаат пристап до лекар и адвокат.
Задржувањето треба да биде што е можно пократко, а во спротивно ќе се смета за правно неосновани, се вели во текстот на СЕ.
Посочените правни обврски на државите од СЕ произлегуваат од ратификувањето на Европската конвенција за човековите права.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка