Се асфалтира дел од локален пат во Делчевско

Почна асфалтирањето на делот од локалниот пат Делчево - село Турија - село Трстија, во должина од 300 метри што остана неасфалтиран по минатогодишните градежни работи на овој локален пат кој поврзува села од делчевската општина со села од виничката општина.

Како што информираше градоначалникот на Делчево Дарко Шехтански, општина Делчево за краток период обезбеди средства за асфалтирање на 1,1 километар на оваа делница.

- Лани беше асфалтирана делницата од 800 метри на локалниот пат Делчево - село Турија - село Трстија. Годинава имаме обебзебдено асфалт за 300 метри. Средствата се обезбедени преку Агенцијата за рурален развој и се надеваме дека со овие интервенции ќе им ги подобриме условите за живот на жителите, рече Шехтански.