СДСМ: Заев имаше средба со конзул од италијанската амбасада

СДСМ во реакција на прес-конференцијата на ВМРО-ДПМНЕ во врска со одложувањето на рочиштето за случајот „Поткуп“ и изјавите на лидерот на партијата, наведува дека судот бил известен за средба на Зоран Заев со претставник на Италијанската амбасада. 

Во прилог на соопштението е испратено официјалното известување до Основниот суд Скопје 1 во коешто судот се информира за средба со претставник на Италијанската амбасада односно конзулот на амбасадата.

СДСМ во соопштението им порачува, како што стои, на сопартијците на претседателот на ВМРО-ДПМНЕ Никола Груевски и на медиумите кои ги пренесуваат неговите манипулации, да не подлегнуваат на неговите лаги кој, според партијата, прави немоќни, очајни обиди да го оттргне вниманието од катастрофалниот пораз на изборите, по којшто нема повеќе место за него во политиката.