СДСМ: Време е за глас за Европа

Во македонското Собрание утре започнува расправата за предлог измените на Уставот.

Предложените уставни измени се јавно објавени и јасно се гледа дека тие дополнително го унапредуваат македонскиот устав и го зајакнуваат македонскиот идентитет, се унапредуваат основните права на деловите од народи кои живеат во нашата земјата, но и се истакнува посебноста на македонскиот народ.

Против предлог измените, никој, па дури и ДПМНЕ предводена од Христијан Мицкоски не се изјасни против.

Затоа, потребно е обединување околу иднината на земјата со глас за Европа во македонското Собрание.

Секој кој и мисли добро на државата ќе ги поддржи уставните измени по чие усвојување веднаш ќе се отворат првите поглавја и ќе се забрза процесот на интеграција во ЕУ.

По 17 години во чекалната, ги започнавме преговорите со ЕУ и не смееме на тој пат самите ние да си ставаме пречки, откако ги минавме сите предизвици.

Да не дозволиме ситни интереси на поединци и политички кариери скапо да ја чинат државата и да влезе во нова изолација која ќе трае со години, туку низ јавна, аргументирана дебата во Собранието, измените на Уставот да бидат усвоени.

Глас за Европа е глас за подобра, посигурна и постабилна македонска иднина.

Центар за комуникации на СДСМ