Македонија
24. March 2021 - 8:46

СДСМ: Оперативниот план за вработување вреден 24,5 милиони евра опфаќа над 10.000 граѓани

Владата предводена од СДСМ и премиерот Зоран Заев продолжува со вистинска грижа за сите граѓани.

Еден од мeханизмите е и Оперативниот план за активни  програми и мерки за вработување кој за оваа 2021 година е предвиден во вредност од 1,5 милијарда денари, односно околу 24,5 милиони евра, преку кој ќе бидат опфатени 10.279 лица.

Со овој Оперативен план, различни ранливи категории на невработени лица, млади лица, жени, лица со попреченост, лица кои ја загубиле работата поради корона кризата, побрзо и полесно да пристапат на пазарот на трудот и да добијат вработување.

Невработените лица и работодавачите веќе можат да аплицираат за програмите и мерките за вработување за кои веќе се објавени јавните огласи, односно за програмата Самовработување, мерката Субвенционирање на плати, програмата Практиканство, мерката Обука на работно место за познат работодавач и програмата Јавни Работи.

Сите оние кои ги исполнуваат критериумите, да се пријават за да бидат опфатени со некоја од мерките и програмите од Оперативниот план.

Грижата за сите, а особено за најранливите категории граѓани продолжува уште повеќе и уште подобро.

 

Центар за комуникации со јавноста на СДСМ