СДСМ: Обиени партиските простории во Кисела Вода

СДСМ соопшти дека синоќа е извршен упад во просториите на нивната општинска организација во Кисела Вода, за што пријавиле во МВР.

Како што информираат од СДСМ, при упадот насилно се обиени бравите на шест врати од просториите, украдени се три лаптоп комјутери, два деск компјутера и еден прожектор. Дополнително оштетени се уште два комјутера од коишто се извадени хард дискови и други делови.

- СДСМ најостро го осудува овој инцидент и бараме МВР да преземе итни и ефективни мерки за откривање на сторителите за нивно соочување со правдата, велат од партијата и најавуваат дека за него ќе бидат известени и меѓународните претставници во земјава, како и мисијата на ОБСЕ/ОДИХР.