СДСМ: Нема ново нето задолжување, ги расчистуваме долговите наследени од ВМРО-ДПМНЕ
Нема крај на лагите од ВМРО-ДПМНЕ, партијата која ја задолжи државата и ја донесе до економски крах, не може да се помири со фактот што економијата денес е на прав пат.
Не е точно дека има ново задолжување како што лажно тврди ВМРО-ДПМНЕ.
Како што јавно соопшти Министерството за финансии, со денешната аукција ќе се покрија стари долгови од претходно издадени државни хартии од вредност, кои доспеваат за исплата на 16ти и 19ти октомври.
Нема ново нето задолжување, туку станува збор за презапишување на претходно издадени државни обврзници, од кои најголем дел се издадени пред 5 години.
Неколкупати во низа се намалени и каматните стапки и моментално тие се на историско најниско ниво, нешто што во владеењето на ВМРО-ДПМНЕ не можеше да се очекува.
Дека СДСМ се грижи за граѓаните докажува и податокот за висината на јавниот долг. Кога ВМРО-ДПМНЕ во 2006 година ја презема власта, јавниот долг изнесуваше 45,7% од БДП, додека истиот на 31.12.2016 година беше 48,8% од БДП.
Јавниот долг денес бележи значително намалување и заклучно 30.06.2019 година изнесува 46,7% од БДП.
Граѓаните со свои очи ја гледаат вистината. Во Република Северна Македонија се градат патишта како никогаш досега.
За само 2 години изградени се 500 километри патишта во вкупна вредност од 540 милиони евра.
Над 80 магистрални и регионални патишта се обновени, а во изградба се уште дополнителни 350 километри пат односно околу 40 регионални патишта.
Лагите на ВМРО-ДПМНЕ веќе одамна не минуваат граѓаните секојдневно ја гледаат разликата меѓу одговорното и отчетно работење на СДСМ и криминалното и деструктивно однесување на ВМРО-ДПМНЕ.
Ново на Сител
-
Бројот на загинати во поплавите во Кенија се искачи на 228
-
Папата им го честиташе Велигден на православните христијани
-
Скопјанец измамен во менувачница од двајца странски државјани
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози