СДСМ: Не се реализира проектот „АРМ - мој вистински дом“

СДСМ денеска обвини дека не се реализира проектот „АРМ - мој вистински дом“ и оти власта предводена од ВМРО-ДПМНЕ ги излажала припадниците на Армијата.

Претседателот на партиската Комисија за одбрана Максим Димитриевски изјави дека нема никакви градежни активности на местото каде е поставен камен-темелникот за првата зграда со станови наменети за припадниците на Армијата.

-  Најавија градилиште и почеток на градба на станови за војниците. За жал, денеска овде има се, но градилиште не. Дури и лопатите коишто ги користеа ги нема. Остана само еден недовршен камен темелник, рече Димитриевски.

Тој најави дека доколку победат на изборите, ќе обезбедат реални услови на одбраната и Армијата.