СДСМ: Мицкоски е против ЕУ а актуелното ДПМНЕ е антизападна партија, тоа е факт

Христијан Мицкоски не може да ги релативизира неговите анти ЕУ и антизападни политики се додека го блокира продолжувањето на европскиот пат на земјата и членство во ЕУ. 

Граѓаните многу добро знаат дека Мицкоски е против ЕУ а актуелното ДПМНЕ е антизападна партија. 

Не треба за тоа никаква експертиза, тоа е апсолутен факт. Продолжувањето на европскиот пат и интеграцијата во ЕУ го блокира токму ДПМНЕ во македонското Собрание. 

Мицкоски и ДПМНЕ не го поддржаа ниту Преспанскиот Договор, ниту членството во НАТО. Мицкоски е единствениот политичар кој не аплаудираше на усвојување на Договорот во македонското Собранието кога се верификуваше нашето членство во НАТО. 

Денеска Мицкоски е во целосно заложништво на проруската Левица. 

Цели 11 години ДПМНЕ ја држеше земјата во изолација, надвор од ЕУ и НАТО а денеска е главен кочничар на европската интеграција. 

Центар за комуникации на СДСМ