СДСМ: Лицемерна и лажна е загриженоста на ВМРО-ДПМНЕ за здравството

Лицемерна и лажна е загриженоста на ВМРО-ДПМНЕ за состојбата во здравството, бидејќи сите ги чувствуваат последиците од катастрофалните штети што ВМРО-ДПМНЕ ги направи во здравствениот систем, се вели во реакцијата на СДСМ на изјавата на Дафина Стојановска од ВМРО-ДПМНЕ.

СДСМ наведува дека ВМРО-ДПМНЕ оставиле руинирани болници, понижени пациенти и лекари, неупотреблива опрема и огромни долгови на здравствените установи.

- Поради криминалното и расипничко владеење на Тодоров и Груевски, сите здравствени установи во Македонија тонеа во милионски долгови. Клиничкиот центар во Скопје должи 3 милиони евра, бидејќи цели 10 години не се плаќале сметки за вода, а Градската општа болница „8ми септември“ има вкупен долг од 5 милиони евра, посочува СДСМ.

Оттаму истакнуваат дека Владата предводена од СДСМ ставила крај на, како што се вели, криминалното работење во здравството.