СДФ најави борба до „целосно истребување“ на екстремистите од Сирија

Портпаролот на бунтовничката алијанса Сириски демократски сили (СДФ), Мустафа Бали изјави дека по победата над џихадистичката група Исламска држава (ИД) во Сирија, нејзините борци ќе продолжат со борбата против екстремистите се до нивното „целосно истребување“.

Бали нагласи дека ИД, која до лани држеше под контрола големи делови од териториите на Сирија и Ирак, сега е целосно поразена.

– Ставен е крај на самопрогласениот Калифат на т.н. Исламска држава. Остварена е воена победа над ИД, изјави портпаролот на СДФ, кои ја имаат поддршката на САД.