Сцени како од хорор филм во центарот на Загреб: Се симнал од велосипед, извадил секира и почнал жестоко да удира

Разбојник се обидел вчера околу 19 часот со секира да скрши излог од една златара во Загреб додека во неа се уште биле вработените.

На видеото од безбедносните камери се гледа како маскиран маж дивјачки го удира стаклото пред да се спушти металната заштита. Упорниот крадец дури се обидел да ја заглави металната врата со секира.

По неуспешниот обид за грабеж тој побегнал со велосипед. Цело време тој со секира удирал по излогот додека граѓаните мирно минуваа.

Видеото е објавено на Фејсбук, а на еден од коментарите стоеше изјава на жена:

„Бев во трамвај, а кога се отвори вратата на станицата полицаец јавуваше на моторола: „Внимавајте има секира“. Не ни беше јасно. Хорор во центарот на градот“.

Полицијата го потврди обидот за грабеж. Разбојникот дошол со велосипед, извадил секира од торба и почнал да удира. Го удрил излогот 17 пати, но не успеал да го скриши.