Свет
19. February 2016 - 18:28

Саудиска Арабија ја укинува воената помош за Либан

Саудиска Арабија денеска соопшти дека ја укинува воената помош од три милијарди долари за либанската армија во знак на протест поради непријателските дипломатски ставови на Либан, донесени под влијание на Хезболах.

Со две милијарди долари требаше да биде купено француско оружје, а другите една милијарда долари беше наменета за помош на либанската служба за внатрешна безбедност.

Саудиски официјален претставник наведе дека Ријад почнал целосна преоценка на односите со Либан.

Како причина за тоа се наведуваат односи на Либан со шиитски Иран, кој ја поддржува Хезболах и сирискиот претседател Башар ал Асад.