Сашо Тасевски е новиот директор на БЈБ

Владата, на својата денешна 84. редовна седница, донесе одлука Сашо Тасевски, магистер по безбедност и докторант на Факултетот за безбедност, да биде назначен за нов директор на Бирото за јавна безбедност. Тој доаѓа на местото на Лазе Велковски, кој минатата недела беше разрешен од функцијата во МВР, по скандалот со службениот џип.
Тасевски стана познат во македонската јавност по случувањата во Собранието на 27 април минатата година, кога како лично обезбедување на Оливер Спасовски, заедно со уште два-тројца свои колеги, не дозволија да дојде до поголемо крвопролевање, па и смртни последици по функционерите на СДСМ и ДУИ, кои во прес салата на Собранието беа нападнати од разулавената толпа.
Тасевски е искусен полицаец, кој во МВР работел од 2001 година. Од пред неколку месеца е раководител на Управата за обезбедување личности и објекти на МВР, а во својата досегашна кариера работел како обезбедување кај поранешниот претседател Бранко Црвенковски, во одделот за странски делегации, како и кај техничкиот министер за внатрешни работи Оливер Спасовски.
На почетокот на кариерата Тасевски бил припадник на единицата за специјални задачи „Тигар“.
Ново на Сител
-

Просечната нето-плата во септември 49.141 денар
-

Лагард: Европа реагира предоцна во кризите
-

По масовниот прилив на мигранти во Сеута за 650 отсто зголемени пријавите за сексуални напади
-

Кривична за тројца полициски службеници кои малтретирале малолетник во Охрид по обид за бегство со мопед
-

Синдикатите повикаа на генерален штрајк во Италија – Планирани се 100 демонстрации
-

Николоски: Целосна реконструкција на патот Валандово-Струмица, следната година активности за патот кон Дојран
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
