Сашко Кедев одликуван со Орден „8 Септември“

Претседателката Гордана Сиљановска-Давкова вечерва го одликуваше кардиологот и алпинист Сашко Кедев со Орден „8 Септември“, за особени заслуги во медицината, како и за историскиот подвиг во алпинизмот како прв Македонец којшто ги искачил 14-те светски планински врвови над 8 000 метри надморска височина.

Сиљановска Давкова, порача дека академик Сашко Кедев е човек, чијшто персонален и општествен интегритет ги надминуваат границите на потесната стручна област и се интегрирааат во колективната меморија на државата и општеството. Кедев, изрази длабока благодарност за одликувањето, кое рече дека иако опфаќа повеќе елементи од неговиот живот, го споделува со сите колеги со кои заедно ја формираат Интервентната кардиологија пред повеќе од 30 години.