Санкционирани 131 возач во Скопје, 20 за брзо возење

Полицијата во сообраќајни контроли на подрачјето на Град Скопје изрече 131 меркa, меѓу кои 20 за возење повеќе од дозволената брзина, 17 санкции за возење без возачка дозвола, а четири за санкции за некористење на сигурносен појас.

Како што информира МВР, во вчерашната акција се изречени пет мерки за користење мобилен телефон, три мерки за минување на затворен сигнал – црвено светло, 11 санкции за нерегистрирани возила, седум санкции за управување под дејство на алкохол…



Од Министерството најавуваат дека продолжуваат засилените акциски контроли и апелираат до граѓаните за почитување на сообраќајните правила и прописи за зголемена безбедност во сообраќајот и посигурни патишта.