Санирана оштетената електродистрибутивна мрежа во Тетовско
Селата Вејце, Бродец, Бозовце, Вешала, Нераште и еден дел од село Шипковица повторно имаат напојување со електрична енергија. Санирани се електричните столбови кои паднаа како резултат на силното невреме што го зафати тетовскиот регион во текот на вчерашниот ден, соопшти вечерва ЕВН Македонија.
- Екипите на ЕВН Македонија се сеуште на терен, а најкритична, според соопштението, е околината на село Шипковица, каде во моментов од вкупно три, под напон се две трафостаници. Како што се расчистуваат патиштата и приодите до енергетските објекти, така се очекува екипите на ЕВН да го отстранат и последниот дефект, и корисниците кои се напојуваат од оваа трафостаница да добијат електрична енергија.
Обилните врнежи и силни ветришта кои го зафатија тетовскиот регион предизвика големи штети на електродистрибутивната мрежа и оставија голем број корисници привремено без напојување со електрична енергија. Голем број од електричните столбови беа пандати, а каблите искинати. Благодарејќи на напорите на засилените екипи на ЕВН Македонија, оштетената мрежа беше санирана, се вели во соопштението. Екипите на ЕВН Македонија ќе останат на терен во текот на ноќта и утре, ќе се работи се’ додека не се воспостави нормално снабдување со електрична енергија за сите корисници, се вели во соопштението.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка