„Самсунг“ ги претстави новите „Галакси С25“, „С25+“ и „С25 ултра“ паметни телефони
Јужнокорејската технолошка компанија „Самсунг“ ги претстави новите паметни телефони „Галакси С25“, „С25+“ и „С25 ултра“, поставувајќи нов стандард за уредите како вистински придружници со вештачка интелигенција и со, како што се тврди, најприродното и најконтекстуалното мобилно искуство досега.
Со воведувањето мултимодални ВИ-агенти серијата „С-25“ го претставува првиот чекор во визијата да се трансформира начинот на којшто корисниците комуницираат со телефон и со светот. За тоа ќе помогнат најновите чипови „Снепдрагон 8 елит“ што обезбедуваат поголема моќ на процесирање на уредот и контрола на камерата од генерацијата на „Провижуал енџин“.
-Најдобрите иновации се одраз на нивните корисници, поради што развивме „Галакси ВИ“ за да им помогнеме на сите луѓе да ги користат своите уреди на поприроден и поедноставен начин, истовремено осигурувајќи ја нивната приватност безбедна. Серијата „Галакси С-25“ ја отвора вратата за ВИ-интегриран оперативен систем кој суштински го менува начинот на кој ние што ја користиме технологијата, и живееме, рече Т.М. Рох, претседател и раководител на одделот за мобилна технологија во „Самсунг“.
Благодарение на новата верзија на функцијата „Сркл ту срч“ на „Гугл“, пребарувањето на екранот на телефонот е побрзо и поконтекстуално. Оваа функција сега побрзо ги препознава телефонските броеви, е-поштата и УРЛ-адресите на екранот, овозможувајќи повик или пребарување локации со еден допир. Има лични новости и околу галеријата слики, календарот, како и со алатките за цртање и пишување.
Ново на Сител
-
Заедничка изјава на Г7: Иран никогаш не смее да поседува нуклеарно оружје
-
Трамп повикува на евакуација на Техеран, конфликтот меѓу Израел и Иран влегува во петтиот ден
-
По вчерашната серија, ноќеска регистриран уште еден земјотрес во Охридско-струшкиот регион
-
Продолжува работната посета на Сиљановска-Давкова во Тирана
-
Сончево и топло, попладне со пороен дожд и грмежи
-
Сиљановска - Давкова од Тирана: Посериозна препрека е билатерализацијата на интегративниот процес од самите балкански соседи
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни