Македонија
8. јуни 2018 - 8:29

Самостојна изложба на Геновева Качуркова во МКЦ

Во Галеријата на Младинскиот културен центар вечер ќе биде отворена прва самостојна изложба на Геновева Качуркова. Таа долго време работи како вокал на електронската музичка сцена, а од пред неколку години почнала активно да се занимава со сликарство.

- Нејзината експресија ја манифестира со сликање глави… Во портретот таа најдобро го изразува расположението во кое интуитивно, можеби свесно го запишува својот душевен живот. Манипулира со колоритот и нанесувањето на бојата, секој нејзин гест има сопствена експресивна моќ, соопшти МКЦ.