Македонија
27. October 2016 - 8:35

Саем за студии и туризам „Добредојде во Франција!„

Францускиот институт во Скопје  денеска  во Националната и универзитетска библиотека „Св. Климент Охридски“ во Скопје организира Саем за студии и туризам „Добредојде во Франција!“.

Саемот, според организаторот, е одлична можност за запознавање со сите можности за студирање во Франција, со програмите за стипендии и практичните прашања за студентскиот живот директно од претставниците на француските универзитети и студенти кои завршиле на престижните француски универзитети, потоа за добивање информации за ниските школарини и едноставните процедури при упис и особено за можностите за студентска пракса во француски компании во земјава и надвор од неа.

Освен информации за студии во Франција,  на овој ден ќе биде претставен туристичкиот потенцијал на Франција како прворангирана светска туристичка дестинација, преку презентација на регионите Корзика, Нормандија и Алзас.

На Саемот е најавено обраќање на амбасадорот на Франција во РМ Кристијан Тиомоние.