Саем за деца и родители во Скопје

Саем за деца и родители ќе се одржи од денеска до недела во Скопје Сити мол. Најавени се најразлични активности за сите возрасти, а особено за најмладите.

- Предвидени се натпревари со многу подароци, тимски игри, предизвици, караоке, диско за деца и креативни работилници. Магионичар ќе ги забавува сите со своите трикови и ќе го доближи магичниот свет до децата. Тука е и Kids Disco каде што децата заедно со маскоти ќе се забавуваат на диско музика. Своето знаење ќе можат да го покажат на филмски квиз со прашања од детските филмови каде ќе се доделуваат бесплатни билети за кино, соопштуваат од трговскиот центар.

Меѓу интересните случувања е и натпреварот на семејствата, каде што ќе се натпреваруваат семејствo против семејствo во извршување задачи како што се: препознај го своето дете со врзани очи, најбрзо сложување на сложувалка... На натпревар, пак, за брзо повивање мажите ќе ги покажат своите татковски способности и ќе се натпреваруваат еден против друг, најавуваат организаторите на саемот.