САД со нови, досега најостри, санкции против Венецуела
Администрацијата на американскиот претседател Доналд Трамп издаде регулатива за замрзнување на сите средства на владата на Венецуела во САД.
Извршната наредба е потпишана од Трамп и претставува далеку повеќе од санкциите воведени во последните неколку месеци против венецуелската нафтена компанија ПДВСА и финансискиот сектор, но и од мерките против десетици венецуелски функционери.
„Сиот имот и удел во имот на владата на Венецуела сместени во САД се блокирани и не можат да бидат пренесени, платени, изнесени, повлечени или на друг начин расположиви“, се вели во извршната уредба објавена од Белата куќа.
Забраната вклучува и забрана за американски компании и поединци да соработуваат со владата на претседателот на Венецуела Николас Мадуро и неговите приврзаници.
Вакви санкции САД воведоа против Куба, Северна Кореја, Сирија и Иран.
Ново на Сител
-
Македонија воздржана: Генералното собрание на ОН ја поддржа палестинската резолуција за ставање крај на израелската окупација
-
Три последователни земјотреси ја погодија Грција
-
Софија реагира и обвинува за „провокации и навреди“ од Скопје
-
До крајот на месецов јавноста може да се вклучи во изработка на пет закони од образованието
-
Тајван ги зајакнува безбедносните врски со САД и сојузниците
-
Бурата „Борис“ предизвикува поплави и свлечишта во Италија
-
Годишниот извештај на Советот на јавни обвинители пред Комисијата за политичкиот систем
-
Мицкоски во посета на Брисел