САД подготвуваат закон за санкции за Русија поради Навални

Група американски сенатори од двете партии го претставија нацрт законот за санкции против Русија пред американскиот Конгрес поради ситуацијата со рускиот опозиционер Алексеј Навални, соопшти прес-службата на сенаторот Марк Рубио, републиканец од Флорида.

„Предлог-законот со кој се повикува на одговорност на Русија за малигни активности, наметнува насочени санкции против руски официјални лица, соучесници во дрско кршење на меѓународното право, вклучително и труење и затворање на опозицискиот лидер и активист Алексеј Навални“, се вели во соопштението.

Во вторникот, суд во Москва ја смени условната казна на Алексеј Навални во случајот со проневера Ив Рошер на 3 години и 6 месеци во затвор со средно ниво на безбедност. Тој ќе остане во притвор додека не стапи на сила судската одлука.