САД планираат поголем воен буџет за борба против ИД

 Администрацијата на американскиот претседател Барак Обама за следната фискална година во рамки на воениот буџет ќе бара значително повеќе средства за борба против Исламска држава.

- Во фискалната 2017 година за буџетот на Пентагон ќе се бараат повеќе од седум милијарди долари за финансирање на борбата против ИД, изјави американски претставник, кој барал анонимност, јави Танјуг.

Според него тоа претставува зголемување од околу 35 проценти во споредба со барањето, кое администрацијата на Обама лани му го упати на Конгресот за усвојување.