САД откажаа воени вежби поради Катар

Поради дипломатската криза меѓу заливските држави и Катар, американската армија откажа воени вежби, соопшти Пентагон. 

Централната американска команда соопшти дека се откажани одделни воени вежби поради влошување на концептот на инклузивност и регионалните интереси. 

Портпарол на Централната американска команда изјави дека, САД ќе продолжат да ги охрабруваат партнерите да работат заедно, со цел изнаоѓање решенија што се потребни за безбедноста и стабилноста на регионот.

Саудиска Арабија, ОАЕ, Бахреин и Египет прекинаа дипломатски односи со Катар во јуни, обвинувајќи го за поддршка и финансирање тероризам. Катар негира и смета дека обвинувањата се политички мотивирани.