САД објавија нова политика за визни ограничувања против странци кои „цензурираат“ Американци

САД објавија нова визна политика насочена кон странците кои „цензурираат“ Американци.

„Неприфатливо е странски службеници да издаваат или да се закануваат со налози за апсење на американски државјани или жители за објави на социјалните медиуми на американски платформи додека тие физички се наоѓаат на американска територија“, наведе во соопштение американскиот државен секретар Марко Рубио.

Тој додаде дека е „подеднакво неприфатливо“ странски службеници да бараат од американските технолошки платформи да модерираат содржина.

Рубио не именуваше конкретни земји или поединци, но истакна дека некои странски службеници презеле „смели цензурни мерки против американските технолошки компании и американските граѓани и жители за кои немаат овластување да преземат“.