САД и Канада имаат „жешка линија“ за изгорени мисирки
Американците јадат 46 милиони мисирки само за Денот на благодарноста, а во сезоната на празници некои „готварски грешки“ се неизбежни.
Професионално обучени „стручњаци за мисирки” на американскиот месопроизводител „Батербол“, за таа цел, два месеца се на телефонска услуга на оние помалку вештите готвачи. Услугата постои 35 години и годишно прима десетици илјади повици.
Најчесто, повиците за помош се однесуваат на изгорена, или пак, за мисирка ненавреме извадена од замрзнувач.
Во пресрет на Денот на благодарноста, полицискиот оддел во Канзас на Твитер објави потсетник кога е време да се извади месото на одмрзнување.
Печена мисирка е омилен избор на 88 отсто од американските домаќинства кои го слават денешниот празник. Речиси една петтина од годишното производство на мисирки во САД завршува на масите токму на Денот на благодарноста.
Инаку, „жешката линија” за мисирките цел ноември и декември е достапна за Американците и Канаѓаните.
Ново на Сител
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав